A QUEIMA DO MECO. ENTROIDO 2016

AS COPLAS PARA QUEIMAR AO MECO. ENTROIDO 2016

ESTAMOS AQUÍ REUNIDOS

OS ALUMNOS DO COLEXIO DE BAÑO

PARA ACUSAR A ESTE PORE DIAÑO.

CULPÁMOLO DOS MALES DO COLE

DOS QUE IMOS DAR CONTA HOXE.

E QUE PASA CANDO CHOVE AQUÍ EN VALGA?

QUE OS NENOS E NENAS DE INFANTIL 

PRECISAMOS MÁIS QUE UN PARAUGAS.

SE NAS NOSAS AULAS QUEREMOS ENTRAR

NUN TRAXE DE MERGULLO TÉMONOS QUE ENFUNDAR

DENDE O 10 DE SETEMBRO NON PARAMOS DE CORRER,

A VER SE ESTE MISTERIO LOGRAMOS RESOLVER.

OS XOGUETES DESTE COLE DEBÉRONSE PERDER,

OU EN PRIMARIA, POLO MENOS, NUNCA OS CHEGAMOS A VER.

POR ISO PEDÍMOSLLE AO EQUIPO DIRECTIVO,

QUE NOS RESOLVA ESTE ENIGMA E QUE SEXA COMPRENSIVO.

NON PEDIMOS MOITA COUSA, UNS BAMBÁNS E UNS TOOGÁNS

E UN ROCÓDROMO BEN CHULO PARA PODER ESCALAR.

SE TANTO HAI QUE TRABALLAR

MÁIS HAI QUE XOGAR: Á CORDA, Á MARIOLA

OU A MIL ENREDOS MÁIS

E ISO É O QUE QUEREMOS RECLAMAR OS NENOS/AS DE 2º A

OS NENOS DE SEGUNDO IMOS PROTESTAR,

TEMOS TITOR, SECRETARIO E MARIÑO

PERO RESULTA TAN... TAN PARTICULAR

QUE DA CABEZA VOLVEUSE TOLIÑO.

ESTE ANO NO COLE O TEMA É O MAR

E NA CLASE DE 3ºA PODEMOS NAVEGAR.

TEMOS TRES PINGUEIRAS QUE MOLLAN OS PÉS, 

CHOVE POR FÓRA E POR DENTRO TAMÉN.

OS NENOS E NENAS DE 3ºB

TEMOS TESOS OS PÉS,

QUE LLE PASA Á CALEFACCIÓN?

CHAMAREMOS A ENCARNA PARA QUE ARRANXE CON CALMA.

NESTE COLEXIO SEÑORES,

QUEREMOS UNHA TENDA DE CHUCHES

E NON QUEREMOS PIOLLOS:

QUEDAN AÍNDA QUE TE DUCHES.

OS DE FORNELOS O PAPALIBROS ROUBARON,

ELES CHEGARON, A PORTA ATRAVESARON

E OS QUE ESTABAN NON SE ENTERARON.

PORE PAPALIBROS, QUEDOUSE SEN RETRATO,

PARA RECUPERALO FAREMOS UN TRTO,

ELES VIRAN E BAILAREMOS UN RATO.

ESTE ANO EN 5º VAMOS DE MEDUSAS

PORQUE SOMOS TODOS UNS CHAPUSAS

VAMOS PASEANDO POLO MAR

TODOS PIRIPOSTOS NO SEU LUGAR

CULPAMOS A ESTE ENTROIDO

DO LENTA QUE VAI A CONEXIÓN Á INTERNET,

POIS SE QUERES BUSCAR ALGO

ATÓPALO ANTES INDO A PÉ.

BOTÁMOSLLE A CULPA DESTES MALES 

QUE ACONTECEN AQUÍ EN BAÑO,

PARA REMATAR DUNHA VEZ CON ELES

QUEIMAREMOS A ESTE DIAÑO.

CHEGOU O TEMPO, CHEGOU A HORA

DE CONVERTILO EN BORRALLA PURIFICADORA.